Мектепішілік тәжірибе алмасу алаңы «Ұлағат» шығармашылық топтың кезекті отырысы «Дене тәрбиесінің бала өміріндегі маңызы» тақырыбында дене тәрбиесі пәні мұғалімі Қ.Т.Баймукировтің жауапкершілігімен өтті.
Мақсаты – оқушылардың денсаулығын нығайту, салауатты өмір салтын қалыптастыру және дене тәрбиесінің бала дамуындағы рөлін талқылау болды.
Оқушылардың физикалық белсенділігін арттыруға бағытталған жаңа идеялар таныстырылып, дене тәрбиесі – баланың тек физикалық дамуына ғана емес, сонымен қатар оның ерік-жігерін, тәртіптілігін және өмірге деген белсенді көзқарасын қалыптастыратын маңызды бағыт екені атап өтілді.


